March 2017 ~ Tamdanpheapyun

Wednesday, March 29, 2017

ត្រូវដឹងអ្វីខ្លះដើម្បីលក់ទំនិញតាមរយៈ Internet ?

ដកស្រង់ពី http://www.moringacam.com

សម័យបច្ចុប្បន្ននេះការរកប្រាក់តាមអិនថឺរណិត បានក្លាយជារឿងមួយសាមញ្ញទៅហើយ វាមិនមែនជារឿងមួយហួសពីក្តីស្រមៃដូចជាពេលមុនឡើយ ។ អ្នកខ្លះបានបង្កើតវេបសាយដើម្បីលក់ សៀវភៅ ខ្លះទៀតផ្តល់ព័ត៌មាន និងមានច្រើនទៀត លក់ទំនិញផ្ទាល់ខ្លួន ឬទំនិញទិញតពីគេ ប៉ុន្តែអ្វីដែលជាបញ្ហានោះគឺនៅត្រង់ការទទួលប្រាក់ពីអ្នកទិញ តើយើងអាចទទួលយកប្រាក់ពីគេដោយវិធីណា ? បញ្ហានេះគឺជាចំណោទមួយសម្រាប់អ្នកដែលរស់នៅក្រៅពីសហរដ្ឋអាមេរិក អង់គ្លេស ឬកាណាដា ។ នៅក្នុងប្រទេសទាំងនោះ ការទូទាត់លុយកាក់ត្រូវបានធ្វើឡើងដោយវិធីច្រើនយ៉ាង និងមានភាពទូលំទូលាយជាងនៅប្រទេសដទៃ នេះក៏ព្រោះតែមូលដ្ឋានចម្បងនៃក្រុមហ៊ុនផ្តល់សេវាទូទាត់ប្រាក់ច្រើនមានទីតាំងនៅក្នុងប្រទេសទាំងនេះ ។ យើងគ្រប់គ្នាដឹងហើយថា ការទិញទំនិញ ដោយផ្ទាល់នៅតាមកន្លែងនានាត្រូវបានទូទាត់ដោយសាច់ប្រាក់ភ្លាមៗ ឬ តាមរយៈប័ណ្ណទូទាត់លុយរបស់ធនាគារ សែក និងតាមរយៈប័ណ្ណឥណទានធនាគារ ប៉ុន្តែការលក់ដូរតាមរយៈអ៊ិនថឺណិត គឺជារឿងមួយដោយឡែក និងប្រថុយជាមួយការក្លែងបន្លំច្រើនជាង ។ ដោយមិនគិតថាយើងលក់អ្វី ឬផ្តល់អ្វីដើម្បីលុយនោះឡើយ យើងត្រូវដឹងពីប្រព័ន្ធទូទាត់ប្រាក់បែបអន្តរជាតិជាមុនសិន មុនពេលចាប់ផ្តើមលក់ទំនិញតាមរយៈប្រព័ន្ធ Internet ។ នៅក្នុងប្រទេសយើងមិនមានប្រព័ន្ធទូទាត់បែបនេះទេ ហើយក៏គ្មានក្រុមហ៊ុនអន្តរជាតិណាមួយធ្វើរឿងនេះនៅក្នុងប្រទេសយើងនៅឡើយដែរ ហេតុនេះយើងត្រូវពឹងផ្អែកទាំងស្រុងទៅលើប្រព័ន្ធទូទាត់លុយរបស់ក្រុមហ៊ុនណាមួយនៅបរទេស ជាពិសេសគឺ នៅអាមេរិក និងអង់គ្លេស ។

មុននឹងយើងទទួលយកសេវាទូទាត់លុយណាមួយ យើងត្រូវដឹងពីពាក្យ និងន័យមួយចំនួនរបស់វាជាមុនសិន។ ខាងក្រោមនេះគឺជាពាក្យមួយចំនួនដែលគេប្រើ:
1- Merchant Account
2- E-commerce
3- Shopping Cart
4- Afilliate Program
5- worldpay :

1- Merchant Account :
ពាក្យនេះត្រូវបានគេប្រើសម្រាប់សំដៅចំពោះ ក្រុមហ៊ុនដែលរក្សាទុកប្រាក់ទូទាត់របស់យើង មុនពេលគេផ្ញើមកយើង តាមរយៈការបញ្ជូនចូលផ្ទាល់ទៅក្នុងគណនេយ្យរបស់យើង ឬផ្ញើជាសែក (ជម្រើស) ក្រុមហ៊ុនបែបនេះគេទទួលយកលុយដែលលក់បានរបស់យើងមកទុកក្នុងធនាគាររបស់គេ បន្ទាប់មកនៅពេលចំនួនលុយរបស់យើងឡើងដល់ចំនួនសំណូមពរ (ចំនួនទឹកប្រាក់ដែលយើងបានកំណត់តាមសំណូមពរ) ឧទាហរណ៍ថា យើងសំណូមពរឲ្យគេផ្ញើចូលគណនេយ្យយើងនៅពេលលុយនោះឡើងដល់ចំនួន ១០០០ ដុល្លារ ដូច្នេះ បន្ទាប់ពីការលក់របស់យើងបានដល់ចំនួននេះ ក្រុមហ៊ុនដែលរ៉ាប់រងផ្នែក Merchant Account គេនឹងបញ្ជូនលុយនោះចូលធនាគាររបស់យើង និងចូលក្នុងគណនេយ្យយើងភ្លាមដែរ ។

2- E-commerce
E-commerce គឺជាសេវាទូទាត់ប្រាក់មួយមានភាពទូលំទូលាយ និងត្រូវបានគេអនុវត្តន៍ដោយវិធីច្រើនយ៉ាង និងខុសៗគ្នា ក្រុមហ៊ុនខ្លះមានបទបញ្ញតិ្តយ៉ាងតឹងតែង ក្រុមហ៊ុនខ្លះមានភាពធូរមិនសូវជាតឹងតែងពេក ។
- ក្រុមហ៊ុនមួយចំនួនដូចជា Worldpay, Google check out, PayPal មានការតឹងតែង ដោយអ្នកប្រើប្រាស់សេវារបស់គេចាំបាច់ត្រូវមានទីតាំងនៅក្នុងប្រទេសដែលគេបានកំណត់
- 2CO (2 Check Out) គឺជាក្រុមហ៊ុនតែមួយគត់ដែលមានភាពទូលំទូលាយ អាចឲ្យអ្នកប្រើសេវារបស់គេស្ថិតនៅក្រៅប្រទេសអាមេរិក រួមទាំងប្រទេសកម្ពុជាយើងផងដែរ អាចប្រើសេវារបស់គេបាន ។ ក្រុមហ៊ុននេះត្រូវបានគេប្រើច្រើនដើម្បីផ្តល់សេវាទូទាត់លុយ បូកទាំង Merchant Account ជាមួយផង ។
- ក្រៅពីនេះនៅមានក្រុមហ៊ុនមួយចំនួនទៀត អាចឲ្យយើងប្រើប្រាស់សេវារបស់គេបានដែរ តែពិបាកសុំណាស់ បើយើងមិនមែនជាអ្នករស់នៅក្នុងប្រទេសដែលគេបានកំណត់ទេនោះ ។

3- Shopping Cart :
ពាក្យនេះសំដៅទៅរករទេះរុញដឹកឥវ៉ាន់នៅក្នុងផ្សារទំនើបៗ តែក្នុងន័យនៅលើ Internet វាមានន័យមួយដោយឡែកទៅវិញ ។

ពាក្យថា Shopping Cart ក្នុងពេលនេះគឺសំដៅទៅលើប្រូក្រាមដែលគេបានបង្កើតឡើងសម្រាប់ឲ្យយើងដាក់រាយមុខទំនិញនានា តម្លៃទំនិញ និងលក្ខណៈសម្បត្តិរបស់ទំនិញនោះ នៅពេលអ្នកទិញ បញ្ចប់ការទិញទំនិញរបស់ខ្លួនហើយ រួចចុចពាក្យ Check out ពេលនោះ គឺជាតួនាទីរបស់ក្រុមហ៊ុនណាមួយផ្សេងទៀត ដែលជាអ្នករ៉ាប់រងធ្វើរឿងនេះជាបន្ត ។

ភាគច្រើន ឬសឹងតែទាំងអស់ ក្រុមហ៊ុនផ្តល់សេវាទូទាត់លុយ ច្រើនមានសេវា Shopping Cart នេះ មកជាមួយស្រាប់ លើកលែងតែយើងមានប្រូក្រាម Shopping Cart ផ្ទាល់ខ្លួនយើង ហើយយើងមិនចង់ប្រើសេវា Shopping Cart របស់គេ ។

ការប្រើ Shopping Cart របស់យើងផ្ទាល់ច្រើនមានបញ្ហា ពីព្រោះជួនកាលវាមិនត្រូវបានក្រុមហ៊ុនផ្តល់សេវា E-commerce ទទួលយកឡើយ ហេតុនេះត្រូវស្វែងយល់ជាមុនឲ្យហើយ មុនពេលយើងប្រើ Shopping Cart ផ្សេងពីអ្វីដែលគេបានផ្តល់ឲ្យយើង ។

4- Afilliate Program :
វាគឺជារបៀបនៃការចែកគ្នារកប្រាក់មួយដែលត្រូវបានគេប្រើប្រាស់យ៉ាងទូលំទូលាយ សម្រាប់ប្រយោជន៍ច្រើនយ៉ាង ពេលខ្លះគេប្រើប្រាស់ Afilliate Program សម្រាប់បង្កើនការលក់របស់គេ, តែពេលខ្លះគេប្រើ Afilliate Program សម្រាប់រកប្រាក់ពីក្រុមហ៊ុនដទៃប៉ុណ្ណោះ ។ មានក្រុមហ៊ុនមួយចំនួនអនុញ្ញាតឲ្យយើងប្រើសេវារបស់គេដើម្បីការលក់តាមរយៈ Afilliate Program នេះ ដូចជា Click Bank, Share it etc. តែវាមានប្រយោជន៍ចំពោះតែការលក់ eBook និងប្រូក្រាមកុំព្យូទ័រតែប៉ុណ្ណោះ សម្រាប់ទំនិញផ្សេងៗពីនេះប្រើមិនបានទេ ម្យ៉ាងទៀតប្រើបានចំពោះតែ eBook ជាភាសាអង់គ្លេសប៉ុណ្ណោះ សម្រាប់ eBook ជាភាសាខ្មែរយើងវិញគេមិនទទួលទេ ។

ឥឡូវនេះយើងបានយល់ខ្លះហើយថា ការលក់ដូរតាមអ៊ិនថឺរណិតត្រូវពឹងផ្អែកសឹងទាំងស្រុកងទៅលើ Merchant Account, E-commerce, Shopping Cart ។

ទាំងបីខាងលើនេះត្រូវបានគេច្របាច់បញ្ចូលគ្នា បង្កើតចេញជាសេវាមួយពេញលេញ ហើយមានភាពងាយស្រួលសម្រាប់អ្នកត្រូវការវា ។ ការគិតប្រាក់ថ្លៃសេវាទាំងនោះ ក៏ជារឿងមួយដែលយើងត្រូវខ្វល់គិតផងដែរ ។

ក្រុមហ៊ុនខ្លះតម្រូវឲ្យយើងបង់ថ្លៃប្រើសេវារបស់គេប្រចាំខែ និងបង់ថ្លៃសេវាបន្ថែម រួមនិងបង់ថ្លៃភាគរយឲ្យគេថែមទៀត ក្រៅពីនោះយើងត្រូវបង់លុយយ៉ាងច្រើន ដើម្បីចាប់ផ្តើមប្រើសេវារបស់គេ តែក្រុមហ៊ុនខ្លះក៏ឲ្យយើងបង់ត្រឹមតែ ៥០ ទៅ ២០០ដុល្លារប៉ុណ្ណោះ ។

5- worldpay :
គឺជាក្រុមហ៊ុនដែលមានសេវាល្អ តែសម្រាប់អ្នករស់នៅប្រទេសកម្ពុជា និងវៀតណាម មិនអាចប្រើសេវារបស់គេបានឡើយ ។ ក្រុមហ៊ុនដែលគេនិយមប្រើច្រើនជាងគេគឺ 2CO ពីព្រោះក្រុមហ៊ុននេះគិតថ្លៃសេវាក៏ថោក ភាគរយគេកាត់ពីយើងក៏តិច កាត់ថ្លៃទូទាត់ក៏ថោក តែមានបញ្ហាមួយចំនួនដែរ គេមិនចូលចិត្តក្រុមហ៊ុននេះ គឺពេលខ្លះក្រុមហ៊ុននេះមិនទទួលយកការទិញពី Credit Card ដែលធនាគាររបស់ក្រេឌីតកាតនោះ មានការពិបាកក្នុងរឿងទូទាត់លុយ ឬពិបាកទារលុយ តែករណីខ្លះគឺបណ្តាលមកពីក្រុមហ៊ុន 2CO នោះខ្លួនឯងផ្ទាល់តែម្តង តែសម្រាប់ការរកស៊ីតូចតាច ត្រឹមប្រាក់ពាន់ ប្រាក់ម៉ឺន យើងគ្មានជម្រើសទេ ក្រុមហ៊ុនតូចៗជាច្រើនក៏ប្រើសេវានេះដែរសឹងទូទាំងពិភពលោក ។

បើក្រុមហ៊ុនយើងធំដុំ យើងគួររកសេវាណាមួយផ្សេងជាជំនួសវិញ តែសម្រាប់យើងដែលរស់នៅក្នុងប្រទេសកម្ពុជា យើងមិនមានជម្រើសច្រើនឡើយ តែសម្រាប់អ្នកដែលរស់នៅអាមេរិកអាចមានភាពងាយស្រួលច្រើនជាងនេះ ពីព្រោះមានជម្រើសច្រើន តែក៏មិនជាស្រួលដែរ ពីព្រោះលុយដែលយើងទទួលបានមកនោះត្រូវរាយការឲ្យរដ្ឋគេដឹងដើម្បីបង់ពន្ធ បើពុំនោះទេ យើងអាចជាប់គុកដោយសារមិនបង់ពន្ធក៏ថាបាន ។

បញ្ហាមួយទៀត ដែលយើងត្រូវដឹងផងដែរនោះ គឺអ្នកទិញរបស់យើងប្រើ Credit Card ក្លែងក្លាយ ឬការទិញបន្លំដោយប្រើ Credit Card របស់អ្នកដទៃ បើសិនជាមានរឿងបែបនេះកើតឡើង យើងត្រូវគេពិន័យចាប់ពី $ 25 ដល់ $ 35 ក្នុង១លើកៗ តែការនេះកម្រកើតមានណាស់ (ក្នុងសេវាទូទាត់សាច់ប្រាក់លក់ដូរតាមអ៊ិនថឺរណិតគេហៅថា "Fraut")។

បន្ទាប់ពីយើងបានជាវសេវារបស់គេរួចរាល់ហើយ គេនឹងផ្តល់ឲ្យយើងនូវ Code មួយចំនួនសម្រាប់ Link ទៅ Server របស់គេគ្រប់យ៉ាងទាំងអស់ ការ Setup អាចរួចរាល់ត្រឹមតែ 30 នាទីប៉ុណ្ណោះ ។

ការត្រៀមជាសំខាន់សំរាប់ការ Setup :
- លេខក្រេឌីតកាត
- លេខសំងាត់បីខ្ទង់របស់កាត
- អាសយដ្ឋាន
- ថ្ងៃផុតកំណត់របស់ក្រេឌីតកាត
- លេខទូរស័ព្ទ
- អាសយដ្ឋានរបស់វេបសាយ (www. .com)
- Email
- Email របស់ website
- ឈ្មោះ និង នាមត្រកូល
- លេខគណនេយ្យធនាគាររបស់យើង
- លេខ Swift Code សម្រាប់ឲ្យគេបញ្ជូនលុយចូលតាមរយៈធនាគាររបស់គណនេយ្យ

ប្រភព៖ CEN

លក់ទំនិញតាមអនឡាញបែបណាឱ្យលើសគូប្រជែង

3:15 PM ចំនេះដឹងថ្មីៗ No comments

លក់ទំនិញតាមអនឡាញបែបណាឱ្យលើសគូប្រជែង

ដោយ ៖ សហការី

ដកស្រង់ពី https://kohsantepheapdaily.com.kh/article/152520.html

ថ្ងៃព្រហស្បតិ៍ ទី១៣ ខែតុលា ឆ្នាំ២០១៦ ម៉ោង ១២:១៥ (13-10-2016 12:15)

ការលក់ទំនិញតាមអនឡាញ ជាអាជីវកម្មមួយប្រភេទដែលរីកដុះដាលយ៉ាងឆាប់រហ័ស ហើយមនុស្សគ្រប់រូបនឹកស្មានមិនដល់ និងមិនត្រឹមតែក្នុងប្រទេសតែមួយឬពីរនោះទេ ប៉ុន្តែជាការធ្វើជំនួញទូទាំងសកលលោក ។ ការរីកដុះដាលឡើងនេះ ធ្វើឱ្យមានគូប្រជែងច្រើនឡើង ប្រៀបដូចស្រមោលតាមខ្លួន តែមិនត្រូវខ្លាចនោះទេ ។ ប្រសិនបើចង់លក់ទំនិញតាមអនឡាញឱ្យឈ្នះគូប្រជែងបាន នេះជាគន្លឹះ៥ចំណុចដែលអាចជួយអ្នកបាន ។

១-ចាប់ផ្តើម Marketing ៖
ពេលដែលអ្នកជំនួញគិតដល់ការលក់ទំនិញតាមអនឡាញ រឿងដំបូងដែលចូលមកក្នុងគំនិត នឹងមិនមែនជារឿងទីផ្សារនោះទេ ។ ទីផ្សារ ជារឿងដែលមនុស្សភាគច្រើនផ្តល់ភាពសំខាន់បន្ទាប់បន្សំប៉ុណ្ណោះ ទាំងដែលការពិត គឺវាសំខាន់លំដាប់ដំបូងសម្រាប់ឱ្យការចាយវាយប្រាក់ទាំងអស់ក្នុងអាជីវកម្មដំណើរការទៅល្អ និងរីកលូតលាស់រៀងរាល់ខែ។

អ្នកត្រូវវែកញែកថា អតិថិជននឹងចូលមកយ៉ាងណា អ្នកត្រូវចាយវាយប៉ុន្មានទើបអាចទាក់ទាញពួកគេបាន ហើយការលក់ម្តងៗ ប្រាក់ចំណេញរបស់អ្នកនឹងគ្រប់គ្រាន់ឬទេ ដែលចំណុចនេះជាតួនាទីរបស់ Marketing ។

២-ទំនិញត្រូវតែមានគុណភាព ៖
នៅពេលប្រកបអាជីវកម្ម មិនថាអ្វីក្តី ចៅហ្វាយនាយតែមួយរបស់អ្នក គឺអតិថិជន ដែលបច្ចុប្បន្ននេះ មានអតិថិជនជាច្រើនប្រភេទ ។ ការធ្វើអាជីវកម្មតាមអនឡាញ រឿងដែលអ្នកនឹងធ្វើឱ្យលើសគូប្រជែង គឺគុណភាពនៃទំនិញ។ នេះជាមូលដ្ឋានតែមួយរបស់អាជីវកម្ម ព្រោះទោះជាផ្នែកទីផ្សារល្អប្រសើរយ៉ាងណាក្តី ក៏មិនអាចលក់បានដែរ ប្រសិនបើទំនិញនោះមិនល្អ។ ដូច្នេះ ការយកឈ្នះអ្នកដទៃដោយទំនិញមានគុណភាព គឺជាការប្រសើរ ។

៣-សេវាកម្មលើសគេ ៖
អ្នកមិនអាចគេចចេញពីការពិតថា ទោះបីជាអ្នកលក់អ្វីក៏ដោយ ត្រូវតែមានគូប្រជែងដែលលក់ទំនិញដូចគ្នាជានិច្ច ហើយឱកាសដែលធ្វើឱ្យអ្នកឈានទៅមុខលើសគូប្រជែងដទៃទៀតនោះ គឺសេវាកម្ម ។

នៅពេលដឹងថា មានគូប្រជែងយ៉ាងច្រើននៅលើទីផ្សារ អ្នកត្រូវអភិវឌ្ឍខ្លួនឯងក្នុងផ្នែកសេវាកម្ម ដែលធ្វើឱ្យវាដូចនឹងការរំពឹងទុករបស់អតិថិជន និងនៅពេលដែលសេវាកម្មរបស់អ្នកបង្កើតផល អតិថិជននឹងមិនទៅរកសេវាកម្មរបស់អ្នកដទៃឡើយ ។

៤-តម្លៃទំនិញមិនចាំបាច់ថោកនោះទេ ៖
អតិថិជនដែលមករកសេវាកម្មរបស់អ្នក ដោយសារហេតុផលដូចគ្នា ហើយតម្លៃទំនិញក៏ជារឿងមួយក្នុងចំណោមនោះដែរ ប៉ុន្តែវាមិនមែនទាំងអស់ទេ ។ ទោះជាយ៉ាងណាក្តី ការលក់នៅតាមអនឡាញដែលប្រកបទៅដោយទំនិញមានគុណភាពល្អ និងសេវាកម្មល្អជាងគេក្តីក៏វាស្ទើរតែមិនអាចទៅរួចឡើយ ដែលទំនិញរបស់អ្នកមានតម្លៃថោកបំផុតនៅលើទីផ្សារ ។ ដូច្នេះ អ្នកអាចយកឈ្នះគូប្រជែងតាមគ្រប់យ៉ាងដែលអ្នកមាន និងត្រូវតែល្អបំផុត ។

៥-បង្កើត Brand ដោយខ្លួនឯង ៖
នេះជាចំណុចចុងក្រោយក្នុងការលក់តាមអនឡាញដើម្បីឈ្នះលើគូប្រជែង ។ ប្រសិនបើនិយាយដល់រឿង Brand អ្នកចង់ឱ្យអតិថិជននឹកដល់អ្នកបែបណា ព្រោះជាការពិត នៅខាងក្រោយ Brand គឺការស្វែងរករឿងដែលទាក់ទាញចំណាប់អារម្មណ៍របស់អតិថិជន តាមរយៈទំនិញ សេវាកម្ម និងអ្វីគ្រប់យ៉ាងដែលអ្នកមាន ដែលនេះជាភាពលំបាកក្នុងការបង្កើត Brand។ ប៉ុន្តែនៅពេលណាដែលអ្នកបានទទួលទំនុកចិត្តពីអតិថិជនហើយ ពួកគេនឹងក្លាយជាអ្នកគាំទ្រដ៏ធំដល់ហាងទំនិញរបស់អ្នករហូតទៅ ។

នៅពេលបានឈ្វេងយល់ពីចំណុចខាងលើហើយ ការធ្វើជំនួញនៅតាមអនឡាញឱ្យឈ្នះគូប្រជែងដែលមានច្រើនទូទាំងប្រទេសនោះ វាមិនមែនជាបញ្ហាលំបាកទៀតឡើយ ៕